للهــــــــلاليين ..

هذا الهلال اللي على الفوز معتاد
هذا الزعيم اللي يقولون وينه

له هيبة يرهب بها كل الاضداد
وارجال تصدق فعلهم خابرينه

الفرق واضح كل يوم ويزداد
بين النوادي والأسد في عرينه

الهلال ماله عن مشاهيه رداد
زعيم فوق الكل يمشجعينه

حقيقة بانت على روس الاشهاد
في ليلة تاريخها حافظينه

ليلة خميس وخير وبرق ورعاد
كأس الكؤوس اللي بقى جايبينه

اهلالها زاد المسافة والابعاد
بين الوطن واللي ترى امنافسينه

شلهوب موهوب لعب كيف ماراد
وصاه ذيب غاب يافاقدينه

نواف والجمعان للباب جلاد
له شوتةٍ حراسها خايفينه

وجمهور لون الموج ويهز الإستاد
واضعافهم في كل بر ومدينه

وابختصر قولي عن اهروج نِقاد
كبت المشاعر صعب يالايمينه

قول المثل معروف من عصر الاجداد
لعب الكعابة غلبة فيه شينه

للشاعر / فهد بن عقيل الطويان

الثانيه :

اكتمل عقد البطولات في الصرح الهلالي
جابوا النخبة صناديد الزعيم

سلموا لي على كل الرجالي
وأول المدح للرجل الحشيم

أبو تركي وجه خير ووجه فالي
راسم خط واضح مستقيم

وشح الموج الأزرق بالجمالي
من كلامه كم تعلم من غشيم

التواضع من سماته في المقالي
عادة للهلالي من قديم

شرق أو غرب وجنوب وشمالي
يا جماهير الأزرق في نعيم

نشكر الله ونعيد السؤالي
و ذا كلام يوقع في الصميم

من ينافس زعامتنا محالي
بالبطولات والعقل السليم

يا نجوم البطولة مواقفكم جزالي
فوزكم صار شيء مستديم

وللمؤسس بعد جالي مجالي
نشكر الشيخ والرمز المقيم

والتحيات للعضو المثالي
دعمهم قرب الكأس العديم

غالي الفوز هذا كأس غالي
وفهم الرمز يالرجل الفهيم

للشاعر / ناصر شافي البقمي
وسلامتكم

وااااااااااااااااااااااااااااااااااااو

<<=== مدمن زعيم اسيا

مشكورهـ يالغلا

سهم الوفا...؟

سهم الوفا...؟:

العفــــــــــووو خيـــــــــوو ..

أنا بخدمة الهلال والهلاليين ..

ولاتحرمنا من هالطله ..